Израел официјално го прифати предлогот на американскиот претседател Доналд Трамп за билатерален прекин на огнот со Иран, нагласувајќи дека ќе одговори „силно“ доколку примирјето биде нарушено. „Израел ги постигна сите цели на операцијата, и уште повеќе“, се вели во соопштението на израелската влада.
Од канцеларијата на премиерот Нетанјаху посочија дека се елиминирани двојните егзистенцијални закани од Иран – и нуклеарната и балистичката. Според нив, Израел воспоставил контрола врз воздушниот простор на Техеран, уништил клучни цели и нанел тешки загуби на иранското воено раководство. Израел изрази благодарност до претседателот Трамп и САД за нивната поддршка и учество во справувањето со иранската нуклеарна закана.
Примирјето доаѓа откако иранска балистичка ракета погоди станбена зграда во Бершеба, при што загинаа најмалку четири лица, што беше клучен момент за интервенција на САД.