Александар Ѓорчевски, таткото на убиената 14-годишна Вања Ѓорчевска во својот завршен збор на денешното судако рочиште, како обвинет во случајот, побара расветлување на мотивот на убиството на неговата ќерка. Прашањето го упати директно на првообвинетиот Љупчо Палевски Палчо.
-Од почетокот на судењето кога имаше воведни зборови, убаво се сеќавам дека станав и изразив очекување дека ќе дознам се. На целиот судски процес, цело време мижам во просторијава, меѓутоа внимателно го слушам секој збор. Сега, како се приближи кон крај процесот, имам чувство на непотполност во поглед на вистината која што очекував да ја дознам. Еден од обвинетите го посочи Палевски како човек кој ги имал одговорите на сите прашања. Токму поради тоа и само од тие причини му се обраќам на Палевски. После мене уште тој останува со завршен збор. Нека стане и во две реченици нека ја каже вистината. Зошто ми е убиена Вањичка?, рече Александар Ѓорчевски.
Во текот на денешното рочиште, завршни зборови дадоа адвокатот на првообвинетиот Палевски Палчо, како и обвинетите во случајот со двете убиства на Вања Ѓорчевска и Панче Жежовски.