Бектеши останува во притвор, екс градоначалниците на Кочани во куќен притвор

Поранешниот министер за економија, Крешник Бектеши останува во притвор, а екс градоначалниците на Кочани, Николчо Илијев и Ратко Димитровски во куќен притвор, откако Апелациониот суд во Штип ги одби нивните жалби како неосновани. Тие се осомничени во рамки на истрагата за пожарот во дискотеката „Пулс“ во Кочани во кој загинаа 61 лице.

Во притвор останува и поранешната државна секретарка во Министерството за економија, Размена Чекиќ Дуровиќ која ставила потпис на втората лиценца за вршење на угостителска дејност на дискотетката. Судот постапуваше по осум жалби од кои само една прифатена, каде мерката од куќен притвор се преиначува со мерки на претпазливост за еден од осомничените, инспектор во Државниот пазарен инспекторат од Виница.