Снегот и дождот попладнево предизвикаа прекин на снабдувањето со електрична енергија во неколку општини во земјава, а на превојот „Стража“ во моментов сообраќајот е во прекин заради попречено возило на патот кај „Тајмишка раскрсница“.
На видеата кои граѓани ги објавуваат на социјалните мрежи од превојот Стража се гледа дека патот е завеан во снег и возилата тешко се движат по него. Поради снежни наноси, отежнато се одвива сообраќајот и меѓу Ресен и Битола.
Од Центарот за управување со кризи (ЦУК) информираат дека од попладнево 16:30 часот затворен за тешки товарни возила е патниот правец Крива Паланка – граничен премин „Деве Баир“. Инаку од ЦУК информираат дека поради снегот и дождот попладнево без струја останале делови од Општина Центар во Скопје, како и населени места во Струмица, Тетово, Свети Николе, Кичево, Дебар, Гостивар и Македонски Брод.
Заглавени автомобили и камиони на патот Велес – Катланово. Сите три коловозни ленти се прекриени со снег. Автомобилите се движат во една колона со бризна од 20 до максимум 40 километри на час.
На патарината по Велес, полицијата ги запира тешките товарни возила.
Сообраќајот преку Стража во целосен прекин, видео од заглавени камиони на Велес-Катланово