Дали ќе побара оставка од Али Ахмети? Како неговиот внук, со сомнително образование, нагло се збогатил и на 24 години поседува четири фирми, а го купи и трговскиот центар „Соравија“ во центарот на Скопје? Дали очекува дека раководителот на јавното обвинителство за организиран криминал, близок до семејството Ахмети, да покрене постапка за овој случај и зошто не побара оставка и од него? Најновите случаи поврзани со ДУИ, беа во фокусот и на денешните пратенички прашања кои опозициските пратеници му ги поставија на премиерот.
Премиерот одговори дека, од пратеник и претседател на партија не може да побара оставка, збогатувањето не е поврзано со годините и треба да се провери од институциите, а во работата на јавниот обвинител не може да се меша.
Прашањето до министерот за правда беше, зошто не побара одговорност за непостапувањето во шестте случаи со Рамиз Мерко?
Усните прашања почнаа со задоцнување, затоа што првин беа читани одговорите на писмените 56 пратенички прашања од кои 49 беа поставени од власта. Од тие, 41 беа од пратеничката Илире Даути од ДУИ, по што опозицијата обвини за одолговлекување на седницата и обид да им бидат ускратени прашањата.
Далиборка Демјанска Цветановска