Кој е заслужен за изгласувањето на резолуцијата за Македонија во германскиот Парламент? Ова е најновата препирка меѓу двете најголеми партии. Од ВМРО-ДПМНЕ сметаат дека резолуцијата е реакција на нивните предупредувања неколку години наназад дека, „со потпишувањето на Договорот за добрососедство се загрозува “Ахиловата пета“ што Бугарија ја напаѓа кон Македонија во изминативе години“.
Од владејачката СДСМ, пак, заслугата си ја припишуваат себеси.
И двете партии очекуваат слични резолуции и од други европски држави, како и од САД.
Во меѓувреме, продолжија дообјаснувањата и околу лидерската средба, за што опозицискиот лидер повторно го покани премиерот нејаснотиите да ги разјаснат на телевизиски дуел. Но, Социјалдемократите му одговорија дека повеќе не прифаќаат бескорисни разговори и повторно побараа да делегира член во работната група за уставни измени.
Далиборка Дамјанска Цветановска