ЕУ и САД изразуваат загриженост за континуираната тензична ситуација на северот на Косово и ги повикаа сите да преземат итна акција за безусловна деескалација на ситуацијата.
Високиот претставник на Европската унија за заедничка надворешна политика и безбедност, Жозеп Борел во писмо до премиерот Курти порача дека без смирување на ситуацијата на северот на Косово, нема простор за продолжување на процесот на дијалог меѓу Белград и Приштина.
– Ги повикуваме сите да покажат максимална воздржаност, да преземат итни мерки за безусловна деескалација на ситуацијата и да се воздржат од провокации, закани или заплашувања. Работиме со претседателот на Србија, Александар Вучиќ и со премиерот на Косово, Албин Курти, да најдат политичко решение за да се намалат тензиите и се договорија за понатамошен пат во интерес на стабилноста, безбедноста и благосостојбата на сите локални заедници, се наведува во писмото на ЕУ.
ЕУ и САД очекуваат Приштина и Белград да се вратат на поттикнување на средина погодна за помирување, регионална стабилност и соработка во корист на нивните граѓани…