ПСЖ наскоро ќе го напушти својот актуелен стадион „Паркот на принцовите“ во Париз, но нема намера да гради нов. Челниците на францускиот гигант наводно испратиле понуда да го купат најголемиот стадион во земјата, „Стад де Франс“, кој се наоѓа во предградието Сен Дени.
Овој стадион е со капацитет од 80.000 гледачи, што е 32.000 повеќе од „Паркот на принцовите“. На оваа арена Франција ги игра своите репрезентативни натпревари, но бидејќи се користи релативно ретко, одржувањето е доста скапо.
Ако државата одлучи да го продаде стадионот на ПСЖ, одржувањето нема да биде проблем. Стадионот беше изграден за СП 1998 година и токму тука се одигра финалето, кога Франција за прв пат стана светски шампион.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.