28- годишната Одри Хејл е напаѓачката која вчера влезе во приватно христијанско училиште во главниот град на американската сојузна држава Тенеси, Нешвил и уби шест лица, од кои три деца на возраст од 9 години, била поранешна ученичка во училиштето и според полицијата претходно детално го испланирала нападот. Имала нацртано мапа од училиштето со влезни точки и извесно време ја набљудувала заградата.
Според извештаите најмалку две од оружјата што ги користела биле набавени легално.
Таа влегла во училишната зграда пукајќи во една од вратите на објектот. Според локалната полицијата осомничената немала претходно криминално досие.
Полицијата објави фотограграфии од безбедносните камери во училишната заграда на кои се гледа како 28-годишната Хејл се движи низ ходниците со пушка во рацете – облечена во војнички панталони со маскирна апликација, војнички елек, црвена бејзбол капа.
Полицијата ги идентификуваше жртвите од нападот во училиштето како Евелин Дикхаус, Хали Скругс и Вилијам Кини – деца сите на деветгодишна возраст. Трите возрасни жртви во нападот се идентификувани како Синтија Пик, заменик-наставничка, на возраст од 61 година; Кетрин Кунсе (60) и Мајк Хил (61).