Во периодот од 09:15 до 15 часот утре без електрична енергија ќе бидaт жителите на целото дебарско подрачје.
Како што информираа од ЕСМ, прекинот е поради редовните годишни планирани активности во хидроелектраната „Шпилје“ кај Дебар.
Ќе бидат реализирани планирани редовни годишни испитувања на релејната заштита на регулациониот трансформатор (РТР) 110/35 kV во ХЕ „Шпилје“, профилактички испитувања на 110 kV Блок трансформатори и 110/35 kV РТР oд страна на надворешен извршител, како и редовни годишни ревизиски активности од службата за електро машинско одржување (СЕМО) на ХЕС „Црн Дрим“, соопштија од ЕСМ.
Дебарското конзумно подрачје, ги опфаќа општините Дебар, Центар Жупа и подрачјето на Река, општина Маврово и Ростуше, кое во целина опфаќа повеќе од дванаесет илјади потрошувачи.