Украинскиот претседател Володимир Зеленски е на Флорида на средба со Доналд Трамп во неговата резиденција Мар-а-Лаго.
Двајцата ќе разговараат за ажурирана верзија на мировниот план од 20 точки, посредуван од САД, кој Москва сè уште не го поддржала.
„Многу работи можат да се одлучат пред Нова Година“, вели Зеленски, додавајќи дека Русија извршила илјадници напади оваа недела.
Но, рускиот претседател Владимир Путин рече дека Украина „не брза да го реши овој конфликт“.
Зеленски на социјалните мрежи напиша дека пред да започне состакот со Трамп имал „детален телефонски разговор“ со британскиот премиер Кир Стармер.
„Го информирав за подготовките за состанокот и за ситуацијата на фронтот“, напиша тој на „Икс“.
Зеленски претходно кажа рече дека тој и Трамп планираат да разговараат за безбедносните и економските договори и дека ќе покрене „територијални прашања“, бидејќи Москва и Киев остануваат жестоко во конфликт околу судбината на регионот Донбас во источна Украина.
Според објвата на „Фајненшл тајмс“ тој е подготвен да нареди повлекување на украинската војска од делови на Донбас, но само доколку истото го стори и Русија. Зеленски предлага демилитаризирана зона во Донбас.
Трамп објави на Truth Social дека разговарал со рускиот претседател Владимир Путин пред средбата со Зеленски подоцна денес.
„Тукушто имав добар и многу продуктивен телефонски разговор со претседателот Путин на Русија“, вели Трамп на платформата.
Тој додава дека средбата со Зеленски ќе се одржи во главната трпезарија на Мар-а-Лаго и дека новинарите се поканети да присуствуваат.
Зеленски бара безбедносни гаранции за крај на руската агресија – Путин нуди воени средства
Украинскиот претседател Володимир Зеленски немаше голема среќа во претходните два наврати кога се сретна со Доналд Трамп во Белата куќа. Во февруари се случи жесток судир во Овалната соба – Зеленски доби прекор од Трамп пред светските медиуми.
Потпретседателот на САД, Џ.Д. Венс, го обвини украинскиот лидер за непочитување откако Зеленски предупреди дека САД може да ги почувствуваат последиците од руската агресија во иднина.
Во август годинава беше пронајдена е заедничка основа за безбедносните гаранции. Средбата во Белата куќа следеше по самитот на Трамп во Алјаска со рускиот претседател Владимир Путин – кој не резултираше со договор за прекин на огнот.
Б.С.