Со наративот кон судството и обвинителството власта прави дефокус од реформите а односот и зборовите се недолични и несоодветни, смета претседателот на СДСМ, Венко Филипче.
Според него во секоја професија или институција има луге кои се однесуваат несоодветно но тоа не е слика за мнозинството.
Приоритет треба да се реформи за поголема доверба во правосудството вели Филипче
„Мнозинството на луѓе бара систем бара реформи, прогрес и преку тоа повисоки примања. И тоа е нашиот пат и единствнеиот излез од оваа ситуацијата во која не стави владата а тоа е тешка периферија на Балканот“ – вели Филипче.
И актуелниот законот за судски буџет пропишува 0,8 проценти од БДП за судството но досега тоа не се случило и се одвојува околу 0,4 проценти . Премиерот е против да се зголеми сумата единствено се согласи да добијат автономен буџет.
Додека Мицкоски ги собира во заедничка бројка процентот за судството кој треба да се одвојува од БДП и оној за обвинителството дефиниран како процент од Буџетот и вели дека тоа се премногу средства, претседателот на Судскиот совет, Камбовски порача дека судството без финансии не може да се гради.
Според него, поголеми финансии се потребни на почетокот за да се стабилизира состојбата затоа што со години не се инвестирало ниту во кадар ниту во услови .
Оние кои секојдневно одат во судовите можат да раскажат многу примери како илустрација за тоа колку судовите се далеку од дигитализација и како се крпат дупки и како недостасуваат елементарни услови како расипани лифтови
Според реформската агенда една од мерките за финансиска независност на судството е да се обезбедат доволно финансии и ресурси за судските органи и да се зголемат капацитетите на Јавното обвинителство
Елена Ивановска Мукоска