ВМРО-ДПМНЕ во секој случај ќе ја повтори бројката од претходните локални избори, смета Миле Бошњаковски, консултант за стратешки комуникации, во вечерашнаата дебата во „Топ тема“ на ТВ Телма.
„Мислам дека нема да паднат со 100.000 гласови во споредба со минатогодишните избори, но ќе паднат за некои 70.000 – 80.000. Не треба да ја исклучуваме кампањата која што може да изненади. Се случило во рамки на кампања да има изненадувања во однос на бројките. Но, да кажам што ќе биде варијабила или што ќе биде индикатор дека некој е победник, а некој е губитник. Доколку ВЛЕН го добие Чаир и Тетово, покрај тоа што би биле губитници во големата слика со советници, тие ќе бидат победници. Перцепцијата ќе биде дека се победници. Сакам да кажам дека Чаир и Тетово се еквивалент на помал број на советници вкупно на национално ниво за ВЛЕН. За ЗНАМ победата би била да го освојат Центар и тоа би било навистина големо изненадување. За СДСМ победа би било најверојатно да победат во Центар, меѓутоа да го добијат Куманово. Тоа би било едно големо изненадување“, рече Бошњаковски.
С.Д.