Голем пожар избувна синоќа на депонијата кај скопско Арачиново, каде што гори поголема количина пакуван сончоглед и други леснозапалливи материјали. Директорот на Дирекцијата за заштита и спасување, Стојанче Ангелов, информира дека пожарот најверојатно е подметнат и дека се шири со силен интензитет. Поради насоката на ветерот, чадот од пожарот можеше да се почувствува и во неколку скопски населби, во Аеродром и Ново Лисиче. Иако депонијата е оградена скопските пожарникари затекнале отворена влезна врата. Гаснењето е отежнато поради обемот на пожарот, како и поради природата на материјалите што горат.Се разгледува можноста за затрупување на пожарот, а депонијата е под надлежност на Општина Арачиново.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.