Израелската армија потврди дека ќе мобилизира околу 60 000 резервисти, за планираната офанзива за освојување и окупација на градот Газа во истоимената палестинска територија.
Очекувањата се дека на стотици илјади Палестинци од градот Газа најверојатно ќе им биде наредено да се евакуираат и побараат засолниште во јужна Газа.
Голем дел од Израелските сојузници го осудија планот на владата на Нетанјаху, додека Обединетите нации и најреномираните невладини хуманитарни организации предупредија дека уште една офанзива и дополнително масовно раселување на цивилите, по 22 месеци брутална војна, ќе има „ужасни хуманитарни последици“.
Веста за мобилизацијата на резервистите уште повеќе ги намалува и очекувањата дека Израел ќе го прифати предлогот за прекин на огнот во Газа, со кој Хамас веќе се согласи. Палестинците имаат се помалку надеж дека израелските напади, кои срамнија со земја огромен дел од Газа, конечно ќе стивнат.
