Претседателката на Европската Комисија (ЕК), Урсула фон дер Лајен соопшти дека е одржан „многу добар“ разговор со американскиот претседател, Доналд Трамп, украинскиот претседател Володимир Зеленски и европските лидери во пресрет на самитот Трамп – Путин на 15 август на Аљаска.
Според неа, се разговарало за подготовките за билатералната средба на Аљаска и било истакнато единството на Западот по прашањето за поддршка на Украина.
„Разменивме мислења за претстојниот билатерален состанок на Аљаска. Денеска ЕУ, САД и НАТО го засилија заедничкиот јазик за Украина. Ќе продолжиме да дејствуваме во блиска координација. Никој не сака повеќе мир од нас, праведен и траен мир“, изјави Фон дер Лајен.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.