Загина 41-годишниот Дејан Боживиќ, а водникот Марко Илковиќ е тешко повреден при гасење пожарите во Црна Гора. Тие настрадале откако се превртела цистерна со вода во реонот на Куча.
Црногорската влада побара помош од НАТО за гаснење на шумските пожари од воздух, бидејќи тие продолжија да се шират на повеќе локации, вклучувајќи го и најсериознот околу Подгорица, каде што во текот на вчерашниот ден беа изгорени неколку куќи, а повредени беа и пожарникари.
Црногорските власти одлучија да го затворат за сообраќај главниот пат Подгорица-Никшиќ, затоа што во негова должина има повеќе активни пожари.
Властите напоменуваат дека противпожарните авиони и хеликоптери работат со полн капацитет, но поради обемот на пожарите и ограничените технички можности, не можат да одговорат на сите барања.