Две пловила на кинеската воена морнарица и крајбрежната стража се судриле за време на инцидент со филипинската крајбрежна стража во спорните води околу Скарборскиот гребен. Гребенот кој се наоѓа во Јужното Кинеско море и покрај северниот брег на Филипините е изобилно место за риболов, што е причина за интензивирање на поморскиот спор меѓу Филипините и Кина околу тоа во чии територијални води припаѓа гребенот. Инцидентот настанал кога бродови на кинеската крајбрежна стража и морнарица се обиделе од водите на гребенот да избркаат брод на филипинската крајбрежна стража, но се судриле меѓу себе. Освен двете земји, врз делови од него право полагаат и Виентам, Малезија, Брунеи и Тајван.
-Се надеваме дека овој инцидент ќе ја убеди кинеската влада да ги почитува правилата. Многу пати предупредувавме дека извршувањето опасни маневри на отворено море ќе предизвикаат поморски инцидент или недоразбирање, и токму тоа се случи, изјави Џеј Тариела – Портпарол на филипинската Крајбрежна стража.