Патниците од земји надвор од Европската Унија, меѓу кои и државјаните на Македонија, од 12 октомври 2025 година ќе се соочат со нови процедури при влез во Шенген зоната.
Европската комисија најави дека ќе започне со примена на Системот за влез/излез (EES), кој ќе го замени рачното печатење на пасоши со дигитална регистрација и прибирање биометриски податоци – отпечатоци од прсти и фотографија.
Овој систем е воведен како подготовка за стартот на ETIAS – Европскиот систем за патнички информации и одобрување, кој ќе се применува од крајот на 2026 година.
Според ETIAS, граѓаните од земји кои не им е потребна виза за ЕУ (вклучително и Македонија) ќе мора да поднесат онлајн апликација и да платат такса од 20 евра.
Одобрението ќе важи три години.
Апликантите за ETIAS ќе треба да имаат важечки биометриски пасош, платежна картичка и лични податоци.
Влез во ЕУ ќе биде одбиен на патници кои ќе одбијат да дадат биометриски податоци при контрола на граничните премини.
EES системот ќе се воведува постепено во 29 европски земји во рок од шест месеци.