Израелските одбранбени сили соопштија дека ја укинуваат вонредната состојба воведена по нападот на Хамас од 7 октомври 2023 година, што значи и постепено намалување на бројот на војници во следните недели.
Истовремено, се укинува и продолжувањето на службата за резервистите, кое досега важеше четири дополнителни месеци.
Според соопштението, бројот на војници во редовните баталјони ќе биде намален за околу една чета, а дел од персоналот ќе биде префрлен во резервни баталјони.
Истовремено, борците во специјалните и елитни единици повеќе нема да мора да останат во служба подолго од првично предвиденото.
Началникот на Генералштабот, Ејал Замир, изјави дека промените се направени за подобрување на квалитетот на службата и заштита на правата на борците, особено по над една година активна служба.
Армијата нагласи дека со овие мерки ќе се зачуваат оперативните способности и професионалното искуство на специјалните единици, додека резервистите ќе добијат олеснување од оперативниот притисок во наредниот период.