Лидерот на крилото од Алијанса за Албанците и актуелен министер за здравство, Арбен Таравари, синоќа соопшти дека партијата едногласно одлучила да ја напушти Владата и да премине во опозиција. Одлуката е донесена на состанок во Тетово поради, како што рече Таравари, неисполнетите ветувања и критики од граѓаните.
Тој додаде дека неговата партија ќе побара нов мандат од граѓаните на претстојните локални избори во октомври. Причина за напуштањето се и несогласувањата со коалициските партнери од „Вреди“, особено околу излегувањето со сопствени листи за советници.
И покрај шпекулациите за можни договори со ДУИ, Таравари нагласи дека нема официјална соработка со ниту една партија. Најави средби со премиерот Христијан Мицкоски и лидерот на СДСМ, Венко Филипче во наредните денови.
Таравари потврди дека тие веќе се во оставка и ќе го напуштат владиниот состав штом се изберат нови членови.
Касами: Здравство најверојатно за кадар на ВМРО-ДПМНЕ, за „Вреди“ друг ресор