Утрово стапи на сила тридневниот прекин на огнот кој го прогласи рускиот претседател Владимир Путин а во пресрет на одбележувањето на Денот на победата во втората светска војна.
Рано утрово е релативно мирно во украинските градови. Сепак, украинските воздухопловни сили соопштија дека Русија лансирала насочувани бомби врз регионот Суми, неколку часа по почетокот на примирјето.
Украина не се обврза на прекин на огнот, оценувајќи дека потегот на рускиот претседател Владимир Путин е симболичен и има за цел да создаде лажен впечаток на волја за мир.
Претседателот Зеленски повтори дека Украина останува отворена за 30-дневен прекин на огнот, идеја зад која претходно застанаа и САД.
Прекинот на огнот доаѓа по серија смртоносни руски напади, со беспилотни летала и балистички ракети во кои според украинските извештаи се убиени поголем број цивили.