Транспаренси интернешенл ја објави анализата за месец април во која случаите кои се предмет на разгледување ги дели на „Матни и бистри“. Како матни за месец април ги издвои случаите со претседателка на Државната комисија за спречување на корупција (ДКСК), Татјана Димитровска која е осомничена за оддавање на службена тајна на обвинет во предметот „Адитив“.
Од Транспаренси посочуваат дека делото за кое се сомничи го почнала само три месеци по нејзиниот избор. Потоа случајот со земање на мито за изготвување на документација за наводни прегледи, контроли и извештаи за издавање инвалидска пензија и туѓа нега за лице. Поранешна докторка од Клиниката за уво, нос и грло во Скопје е во центарот на шемата.
Измамата со брзи кредити во која 43 луѓе фалсификувале лични податоци на граѓани, а во тоа им помагал вработен во ФЗО. Директорот на Геријатрија кој преку посредник земал 20.000 евра поткуп за да смести неподвижно лице. Уапсениот инспектор Ангел Самараков од личното обезбедување на Мицкоски кој сакал да продаде тајни документи за 50.000 евра.
Како бистар случај е предистрагата на Обвинителството за дупката од 7,3 милиони евра во Агенцијата за одземен имот што ја откри Државниот завод за ревизија и кривична пријава за тешки дела против општата сигурност за 10 полициски службеници од Кочани и Штип.
