Претседателот Доналд Трамп прогласи основен данок од 10 отсто за увоз од сите земји и повисоки царини за десетици земји кои имаат трговски суфицит со САД, заканувајќи се да наруши голем дел од архитектурата на глобалната економија и да предизвика пошироки трговски војни.
Американскиот претседател со табела во рацете од Белата куќа, покажа список со земји кои ќе бидат опфатени со новите давачки кои предвидуваат 34% за увоз од Кина, 20% данок за увоз од Европската Унија, 25% за Јужна Кореја, 24% за Јапонија и 32% за Тајван.
Претседателот употреби агресивна реторика за да го опише глобалниот трговски систем што САД помогнаа да се изгради по Втората светска војна, велејќи дека „во многу случаи, пријателот е полош од непријателот во однос на трговијата“.
„Таквите ужасни нерамнотежи ја уништија нашата индустриска база и ја загрозија нашата национална безбедност“, рече тој.
Трамп прогласи национална економска вонредна состојба за да ги започне тарифите, кои се очекува да произведат стотици милијарди приходи на годишно ниво.