Во јули годинава беше поднесено обвинение за 5 членови на криминалната група Дуќанџик/Грчец за трговија со кокаин и за двојно убиство. Претходно полицијата за лидер на оваа група го прогласи Шеваљ Муареми.
Се бара со меѓународна потерница, а КОД веќе пишуваше дека се наоѓа во Дубаи. Со месеци се обидувавме да стапиме во контакт со него. Сега за КОД ја раскажа и својата страна на приказната и тврди дека докази за него нема.
Прифати да разговора со новинарите на КОД, но не сакаше тоа да биде пред камера. Снежана Лупевска во КОД открива што прави Муареми во Дубаи.
Во КОД ексклузивно од Шпанија се јавува и Реџеп Сехратлиќ Репки, осомничен дека е дел од групата на Муареми.
Тие беа осомничени по пробивањето на апликацијата Скај, која ја користеле криминалците за безбедна комуникација.
Одбраната ги смета за незаконски докази, обвинителството како клучни за расветлување на злосторствата.