Хантер Бајден, син на актуелниот американски претседател Џо Бајден, се изјасни виновен за федералните даночни обвиненија за кои се товари во САД. Со тоа, тој го промен и исказот од јануари оваа година, кога се изјасни невин, објави „Глас на Америка“.
Бајден призна вина по сите девет точки од обвинението, а обвинет е за затајување на вкупно 1,4 милиони долари, додека истовремено трошел пари на наркотици, проституција и луксузни предмети.
Судијата Марк Скарси изјави дека Хантер Бајден се изјасни виновен и со обвинителите не постигна договор за намалување на казната. Според Скарси, најголемата затворска казна за тоа кривично дело е 17 години, паричната е до 450.000 долари.
Во соопштението по рочиштето, Бајден наведе дека се изјаснил виновен за да ги поштеди родителите од непријатни детали од делови од неговиот приватен живот.
„Имајќи во предвид сето она на кое ги изложив во изминатите години, сакав да ги поштедам“, порача Бајден.
Неговото признавање на вина, пред почеток на процесот, претставува предуслов за избегнување на судење за време на кое би било извесно дека ќе бодат обелоденети компромитирачки детали од неговиот живот.
Хантер Бајден во јуни оваа година беше осуден по обвинувањето за незаконско купување на оружје додека користел наркотици.