На предлог на надлежниот јавен обвинител, Основниот суд во Битола на осомничениот му одредил мерка притвор од 30 дена
Лице во Битола е осомничено за кривичното дело – Полова злоупотреба на немоќно лице од член 187 став 1 од Кривичниот законик.
На 23 април, во својот дом во Битола, 23-годишното осомничено лице полово злоупотребил лице со трајно душевно заболување. Го навел да изврши полово дејствие, а чинот го снимал и го пренесувал во живо на регистриран канал на Јутјуб.
Основното јавно обвинителство Битола донесе Наредба за спроведување истражна постапка против 23-годишното осомничено лице.
Судот определи притвор од 30 дена, откако Основниот суд оцени дека предлогот за притвор доставен од надлежниот јавен обвинител до судијата е оправдан и законски основан.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.