Претседателот на „Алтернатива“, Африм Гаши е дефинитивно новиот претседател на Собранието. Претседателот на „Демократско движење“, Изет Меџити ќе биде вицепремиер за политички систем, а истовремено и министер за животна средина. Неговата партија ќе има и двајца заменици министри во транспорт и врски и во МВР.
И покрај тоа што размислуваше да остане на градоначалничката позиција, Арбен Таравари сепак одлучил да го предводи Министерството за здравство.
Коалицијата „Вреди„ ќе го добие и министерството за социјална политика, демографија и млади, за економија и труд, секторот Евроинтеграции и министерството без ресор задолжено за добро владеење и транспарентност.
Во рацете на ВМРО-ДПМНЕ и Коалицијата „Твоја Македонија“ остануваат МВР, Министерство за финансии, Транспорт и врски, Образование и наука, Култура, Министерство за надворешни работи, Земјоделство, Локална самоуправа, Одбрана, Енергетика, Политички систем и други.
И преговорите со ЗНАМ финишираат. Тие ќе добијат две министерства, министерството за правда и новото министерство за администрација.
Се очекува разговорите да завршат овие денови и да биде потврдена новата влада.
За утре е закажана конститутивната седница на Собранието. Со ваква владина коалциија, мандатарот Христијан Мицкоски ќе располага со дво-третинско мнозинство пратеници во Собранието, колку што е потребно да се направи реорганизацијата што беше најавена во предизборната програма.
Далиборка Демјанска Цветановска