Обидот за руска инфилтрација во Министерството за одбрана преку јавна набавка за криптозаштита на информатичкиот систем, која вчера ја објави КОД на Телма, според министерката за одбрана Славјанка Петровска треба да предизвика промени во Законот за јавни набавки. Главниот критериуум за вакви сензитивни тендери во безбедноста не смее да биде само најниска цена, оцени денеска на брифинг Петровска.
Правиме некои анализи веројатно ќе треба Законот за јавни набавки да се промени, затоа што во општиот закон, освен за законот од областа на одбраната и безбедноста, се вели дека најниската цена добива. Ние не можеме да си го дозволиме тоа, дури кога набавуваме и храна за Армијата не можеме да си дозволиме најниска цена, затоа што треба да внимаваме на квалитетот, изјави министерката петровска.
Петровска рече дека токму понудата за најниска цена била пресудна фирмата од Европската Унија која е со доминантна руска сопственост за малку да го добие тендерот планиран за околу милион и пол евра. Првично понудила слична цена за системот за криптозаштитаво Одбраната и Армијата, но потоа ја намалила цената за 50 проценти. Дополнително и разузнавачките служби предупредиле.
Криптозаштитата служи за шифририрање и заштита на податоците и информациите кои се во владение на одбраната и армијата или пак се разменуваат со сојузниците и со НАТО.
Миомир Серафиновиќ