Не недостасуваше храна на 96-то издание на Оскарите, што се одржа ноќеска, манифестација на која „Опенхајмер“ ја „збриша“ конкуренцијата. За неа беа задолжени австриско-американски шеф, Волфганг Пук, кој по 30-ти пат беше ангажиран на свеченоста, како и Елиот Грувер.
Менито ги задоволи сите вкусови – вегански, вегетаријански, невегетаријански. Беше подготвен широк избор на храна од десерти до месни деликатеси.
За предјадење се служеа супа од ракови, лигњи, печена туна, барата, коктел од шкампи, остриги Рокфелер, како и четири видови на салата – Цезар салата, Оскар салата, посебна салата и салата од репка.
На менито имаше и тестенини, како и широк избор на прилози, вклучувајќи пире од компир, спанаќ, печени моркови, зелје и помфрит. Славните личности уживаа и во специјалитети како макарони со сирење и тартуфи и пити со пилешко и тартуфи. Подготвени беа и чоколадни фигури во форма на оскаровските статуетки.
И тоа не е се. На секое седиште во театарот Долби, каде се одржа церемонијата, беа поставени кутии со ужина во кои имаше бонбони „Мајк&Ајк“, ѓеврек со сенф и шише вода.