Македонската фудбалска репрезентација утре ќе ги дознае своите противници во рамки на Лигата на нации на УЕФА. Нашиот тим се натпреварува во третата по ранг лига, односно Ц-лигата.
Ждрепката за Лигата на нации ќе се одржи утре со почеток од 18 часот во Париз, Франција. Македонија е во Ц-лигата и според резултатите од минатото издание на ова натпреварување е во третиот квалитативен барабан.
Потенцијални ривали на нашата репрезентација од првиот барабан се селекциите на Романија, Шведска, Ерменија и Луксембург. Во вториот барабан се Азербејџан, Косово, Бугарија и Фарски Острови. Селекции кои се во нашиот барабан и не можат да бидат наши ривали се Словачка, Северна Ирска и Кипар. Од последниот барабан можни ривали ни се Белорусија, Естонија, Летонија и Литванија или Гибралтар.
Новата сезона во Лигата на нации ќе стартува во септември и ќе се игра до ноември.
Македонија за да се искачи еден ранг погоре во Б-лигата ќе мора да заврши на првото место во својата група. Второпласираните тимови во Лигата Ц ќе играат плејоф со третопласираните тимови од Лигата Б за промоција или испаѓање. Двете селекции со најлош скор во Лигата Ц ќе испаднат во најслабата дивизија или Лигата Ц.
За потсетување во ланското издание на ова репрезентативно натпреварување Македонија финишираше трета во групата 4, зад победникот Грузија и Бугарија, а бевме подобри само од Гибралтар.