Јужна Кореја одобри грант од 4,8 милиони долари за развој и имплементирање на систем за управување со ризици и податочен склад во Царинската управа на Македонија. Меморандумот за соработка го потпишаа директорот на Царината Стефан Богоев и Ки-Донг Ким, директор на Бирото за информатички и комуникациски технологии во корејската Царинска служба.
Ваков систем е особено важен во време кога зависиме од брза размена на податоци, вели директорот Богоев.
„Воспоставувањето на овој систем ќе овозможи подобро таргетирање декларации во кои постои ризик за плаќање давачки во помал износ од реалната цена на стоката, ризик од погрешно царинско распоредување или ризик од неточно пријавување на потеклото на стоката“, рече Богоев.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.