Најмалку две лица загинаа кога вооружен маж отвори оган во амфитеатар на универзитет во холандскиот пристанишен град Ротердам. Убиени се 39-годишна жена и 46-годишен професор на Универзитетот Еразмус.
Според полицијата, напаѓачот прво ја убил жената која била негова соседка, а тешко е повредена нејзината 14-годишна ќерка. Откако ја запалил куќата на жената, напаѓачот отишол во универзитетската болница во Ротердам Еразмус МЦ, каде влегол во училница и смртно застрелал 46-годишен професор.
Полицијата соопшти и дека тој запалил пожар во болницата, пред да биде уапсен во близина на болницата по второто пукање.
„Бевме шокирани од ужасен инцидент. Се пукаа на две различни места во градот. Многу луѓе беа сведоци на тоа“, рече градоначалникот на Ротердам Ахмед Абуталеб.
Полицијата брзо реагирала и го уапсила 32-годишниот осомничен, кој додека пукал предизвикал и пожар. Видеата од социјалните мрежи покажуваат како луѓето панично бегаат во обид да се спасат.
#Rotterdam #ErasmusMC #Schietpartij Beelden van binnen in het EMC pic.twitter.com/IGPxYN2Jy4
— Dylano van Klaveren (@DylanOwner1) September 28, 2023
Полицијата два часа подоцна соопшти дека загинале неколку лица и дека се известени семејствата на жртвите. Мотивот на напаѓачот се уште не е познат, но тој на полицјата и бил познат уште од пред две години кога бил кривично гонет за злоупотреба на животни.