Европската фудбалска федерација ги објави градовите кои поднесоа кандидатура за домаќини на финалните мечеви во клупските натпреварувања за 2026 и 2027 година.
За домаќини на финалето во Лигата на шампионите во овој момент во конкуренција се седум града, а кандидатури поднесоа Будимпешта, Милано, Осло, Глазгов, Штутгарт, Гелзенкирхен и Минхен.
Германија која е единствена земја од која се пријавени три града до февруари следната година ќе мора го скрати списокот на најмалку два кандидати пред донесување на конечната одлука која би требало да се објави во мај 2024.
Домаќини на финалните дуели во следните две години се Лондон и Минхен што значи дека најголеми шанси да излезе од конкуренцијата има главниот град на Баварија.
Букурешт, Глазгов, Истанбул и дури пет града од Германија, Лајпциг, Диселдорф, Франкфурт, Гелзенкирхен и Штутгарт се заинтересирани за финалните соочувања во Лига Европа.
Кај Германците најмал интерес владее за Конференциската лига тука во конкуренција е само Лајпциг кој ќе се бори со Ерусалим, Глазгов, Осло, Женева и Истанбул.
Финалните дуели во Лига Европа во следните две години ќе се играат во Даблин и Билбао, а домаќини на решавачките мечеви Конференциската лига во 2024 и 2025 година се Атина и Вроцлав.
ФОТО: Игор Паневски