Кошаркарската репрезентација на Македонија не успеа да триумфира во решавачкиот меч за првото место на Европското првенство за играчи до 20 години, Б дивизија.
Во финалето нашите кошаркарски надежи се поразени од Чешка со 85:72, но и со освоеното второ место на турнирот нашата селекција на следниот шампионат ќе биде дел од елитата на Стариот континент.
Нашите кошаркарски надежи беа рамноправен противник во текот на целиот натпревар, но сепак во завршницата противникот имаше неверојатна реализација за три поени која на крајот им донесе и победа.
Најефикасни во нашиот состав беа Теодор Симиќ со 23 поени, кој воедно се најде и во идеалната петорка на првенството, а Петков беше стрелец на 14 поени.
ФОТО: Игор Паневски