На 72 години по кусо боледување почина театарската и ТВ режисерка Виолета Џолева, објави Драмскиот театар.Во Драмски театар режираше повеќе претстави, меѓу кои: Луиџи Пирандело – „Хенрих IV“ (1974) ; Пол Зиндел – „Дамите од Аламо“ (1990); Несин Азис – „Убиј ме душичке“ (1997); Васил Иљоски – „Чест“ (1998); Доналд Ли Кобурн – „Партија реми“ (2018).
Џолева дипломирала на Театарската академија во Белград во 1974 година. Била член на Радиодрамата (1958-1969); режисерка во МРТ Скопје (1974-1976); режисерка во Камерниот театар во Сараево (1976-1992); слободен уметник (1992-1994); од 1994 е драматург и режисерка на МРТ.
Во 2018 година во Театарот за деца и младинци (ТДМ) бил прикажан првиот македонски мјузикл за деца „Земја во која не се стигнува“ според текст на Оливера Николова, а во режија на Виолета Џолева.
