Привршуваат пресметките на ЕСМ за нова цена на струјата. Денеска треба да ги испорачаат до владата. Дали таа ќе биде повисока од 56 евра за мегават час или ќе се продава за пониска цена, Владата во улога на сопственик на Електрани ќе одлучува на затворена седница.
Според информации на Телма, анализите на ЕСМ покажуваат дека ако ја продаваат својата струја по цена од околу 70 евра за мегават час во следниот период, компанијата нема да работи ниту со добивка ниту со загуба, туку ќе биде на нула. Од тоа каква ќе биде цената на ЕСМ, најмногу ќе зависи какви сметки за електрична енергија, ќе плаќаат граѓаните до крајот на годината.
Меѓувреме, Регулаторна ги разгледува пресметките од останатите енерегетски компании кои ги доставија уште минатата недела. МЕМО бара зголемување за над 80 отсто, Електродистрибуција за над 30, а МЕПСО бара зголемување на цената на својата услуга за над 50 проценти. Но, што од барањата ќе биде прифатено, а што не Регулаторна допрва ќе утврдува.
