Драган Стојковиќ Пикси, селекторот на фудбалската репрезентација на Србија за претстојните квалификациски дуели за пласман на Европското првенство против Литванија и Црна Гора реши да повика неколку нови имиња во однос на составот што настапи на последното Светско првенство.
Стојковиќ се откажа од услугите на Немања Максимовиќ, Дарко Лазовиќ, Срѓан Бабиќ и Милош Вељковиќ, а се реши да им даде шанса на играчи од домашното првенство.
Големо изненадување е повикот за голманот на Раднички Ниш, Драган Росиќ и дефанзивецот на ТСЦ, Немања Стојиќ, а тука е и Страхиња Ераковиќ од Црвена Звезда.
Србија на 24 март во Белград ја пречекува селекцијата на Литванија, а на 27 ја очекува гостување во Подгорица и дуел со Црна Гора.
СОСТАВ:
ГОЛМАНИ: Вања Милинковиќ Савиќ (Торино), Предраг Рајковиќ (Мајорка), Марко Дмитровиќ (Севилја), Драган Росиќ (Раднички Ниш).
ОДБРАНА: Никола Миленковиќ (Фиорентина), Страхиња Ераковиќ (Црвена Звезда), Немања Гудељ (Севилја), Ерхан Машовиќ (Бохум), Немања Стојиќ (ТСЦ), Страхиња Павловиќ (Салцбург)
СРЕДЕН РЕД: Филип Костиќ (Јувентус), Филип Младеновиќ (Легија), Иван Илиќ (Торино), Урош Рачиќ (Брага), Саша Лукиќ (Фулам), Марко Грујиќ (Порто), Андрија Живковиќ (ПАОК), Немања Радоњиќ (Торино)
НАПАД: Филиш Ѓуричиќ (Сампдорија), Сергеј Милинковиќ Савиќ (Лацио), Душан Тадиќ (Ајакс), Лазар Самарџиќ (Удинезе), Александар Митровиќ (Фулам), Лука Јовиќ (Фиорентина), Душа Влаховиќ (Јувентус), Дејан Јовељиќ (ЛА Галакси)
ФОТО: Игор Паневски