Пожар се шири на Исарот во Штип. Гори ниска вегетација веднаш над централното градско подрачје.
Жители кои живеат блиску до пожарот, прскаат со црева за навреме да спречат ширење на огнот. Поради сериозноста на ситуацијата и близината до градот, веднаш е активирана воздушна поддршка за негово гаснење.
Директорот на ДЗС, информираше дека ЕР трактор веќе е упатен кон штипскиот регион.
Покрај во Штип, активни пожари има и во Пробиштипско меѓу селата Бучиште, Неокази и Петршино. Во Бучиште во пожарот изгоре куќа. Сега огнените јазици се шират кон селото Ратавица.
Пожар има и во општина Чешиново-Облешево: с. Новоселани каде што гори ниска вегетација.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.