Капитенот на Барселона, Серхио Бускетс по завршувањето на сезоната дефинитивно си заминува од клубот и во моментов ги разгледува понудите од клубовите кои би сакале да го видат во своите редови.
Бускетс има пет опции за продолжување на кариерата и ниту една не од Стариот континент. Две се од МЛС лигата и тоа од Интер Мајами и Торонто, а три доаѓаат од Саудиска Арабија.
Прв на листата на клубови од Блискиот исток е Ал Наср кој веќе го ангажираше Кристијано Роналдо, а во конкуренција се уште Ал Шабаб и Ал Хилал.
Фактот дека ниту еден клуб од Европа не се наоѓа на оваа листа се образлага со намерата на 34-годишниот фудбалер да го носи дресот на ниту еден клуб од овој дел на светот.
Бускетс најверојатно е блиску до договор со Ал Наср кој е единствениот што дал конкретна понуда која изнесува 36 милиони евра за двегодишен договор.
ФОТО: Игор Паневски