Светскиот шампион во фудбал, репрезентацијата на Аргентина на 23 март во Буенос Аирес против селекцијата на Панама ќе го одигра првиот натпревар по триумфот на Светското првенство во Катар.
Мечот во аргентинската престолнина предизвика вистинско лудило во земјата бидејќи 1,55 милиони луѓе сакаа да купат влезница за овој меч.
Интересот беше огромен и меѓу претставниците на медиумите, а до прес службата на Аргентинската фудбалска асоцијација пристигнаа 131.000 барања за акредитации.
Натпреварот против Панама ќе се одигра на стадионот Монументал во Буенос Аирес кој има капацитет од 83.000 места, а влезниците се продаваа по цена од 59 до 214 долари.
ФОТО: Игор Паневски