Најдобрата македонска судиска двојка Ѓорѓи Начевски и Славе Николов ја доби честа да го суди финалето на Светското првенство во ракомет.
Македонскиот двоец вечерва во Теле2 арената во Стокхолм ќе ја дели правдата на дуелот во кој Данска ќе се обиде по трет пат во низа да се качи на највисокото место на подиумот додека Триколорите атакуваат на седмото мундијалско злато или да се вратат на тронот по пауза од шест години.
За Начевски и Николов ова ќе биде прво финале во кариерата откако претходно беа делегирани за финалните мечеви на Европскиот шампионат и Олимписките игри.
Дуелот за златниот медал на Светското првенство почнува во 21 часот, за 18 е закажан почетокот на натпреварот за третото место во ќе се соочат селекциите на Шпанија и Шведска.
ФОТО: Игор Паневски