И додека приватните превозници ја чекаат историската средба во Владата, денеска завршува една од можните решенија на градот Скопје за решавање на проблемот со јавниот превоз- огласот за линиите 20 и 22, а за кои беа потребни 20 автобуси и 44 возачи.Но од градот не откриваат дали и колку превозници се пријавиле на овој оглас. За Телма велат дека резултатите ќе бидат соопштени откако ќе истече рокот, поради чекање на евентуални пријави по пошта. Повикот беше објавен пред еден месец и на него, како што информираше Град Скопје, немаат можност да конкурираат превозниците од „Слобода Превоз“ и „Макекспрес“, поради прекршување на одредбите од претходниот договор од нивна страна. Огласот за линиите 20 и 22 ги опсложуваше „Макекспрес“ па според нив никој од превозниците не се пријавил на огласот.
Но тука не застануваат проблемите со јавниот превоз. И покрај тоа што недостасуваат автобуси па граѓаните се приморани да чекаат и по половина час, сведочат и за лошата состојба во автобусите на ЈСП. Оттаму велат дека автобусот експресно е повлечен во гаража, со цел да се санира настанатиот проблем.
Напоменуваме дека станува збор за неочекуван проблем, настанат во текот на возењето. Имено, сите возила пред пуштање во сообраќај се подложни на рутински преглед. Меѓудругото и на т.н. водени тестови кои имаат за цел проверка и на евентуални протекувања, соопштија од јсп.
На 9ти февруари е првото судско рочиште на кој копјата ке ги вкрстат приватните превозници и првиот човек на градот Скопје Данела Арсовска. До тогаш приватниците ќе ја чекаат средбата во Влада за да бараат да бидат вратени на скопските улици а долгот да им се исплаќа на рати.
Симона Петровска