Почна средбата меѓу премиерот Димитар Ковачевски и лидерот на ВМРО-ДПМНЕ Христијан Мицкоски на која е најавено дека ќе се разговара за енергетската криза и за начините како да се ублажат последиците од неа.
Со Мицкоски е и економскиот тим на партијата кој ќе го презентира планот на ВМРО-ДПМНЕ за надминување на последиците од кризата. Претходно од партијата најавија дека имаат план со кој ќе се обезбеди стабилно производство на електрична енергија за домаќинствата и за индустријата но, исто така и затоплување на објектите и домовите кои се корисници на централното греење во Скопје, а со кој би се заштедиле 300 милиони евра.
Средбата доаѓа по неколкудневните несогласувања за евентуални разговори откако Мицкоски го повика Ковачевски на тв дуел. Вчера, Ковачевски го повика Мицкоски да присуствува на седницата на Економскиот совет на Владата закажана за среда, но Мицкоски ја одби поканата изјавувајќи дека не гледа потреба да присуствува на седница на Советот затоа што во него членуваат истите луѓе кои не ги решиле проблемите во ковид кризата.
Средбата ја следи Огнен Чанчаревиќ
