Денеска во советот на јавни обвинители се разгледува жалбата на суспендираната обвинителка Вилма Русковска.
Како што јавува новинарот на Телма Павле Беловски, членовите на советот се во салата за седници каде ќе се разгледа жалбата на Русковска. Не е присутен државниот обвинител Љубомир Јовевски кој ја изрече суспензијата на Русковска за да не влијае на постапката.
Веднаш по отварањето на седницата, советот ги отстрани медиумите од салата по барање на обвинителстцото затоа што ќе се разгледуваат информации од предистражна постапка.
Повеќе детали за седницата во Вестите на Телма и на telma.com.mk.
Суспензијата на Русковска дојде по судирот со директорот на финансиската полиција Арафат Муареми и претресот во финансиската полиција. Муареми се повлече, а вчера беше назначен нов в.д. директор, Горан Иванов, додека владата го разреши и државниот правобранител Фехми Стафа кој си поднесе оставка од лични причини.