Заврши гласањето за нов состав на Советот на Општина Тетово. До 18.30 часот гласале 27 776 граѓани, од вкупно 84.072 со право на глас, односно 33%. Се гласаше на вкупно 117 избирачки места.
Според податоците на Државната изборна комисија во Тетово имало 43 приговори за лично избирачко право, прифатени се 38, одбиени се 2.
Секретарот на тетовската општинска комисија, Назми Даури, вели дека изборите течеле во мирна и демократска атмосфера, со мали технички недостатоци, а било интервенирано и на местата каде имаше листи со опис на избирачки места само на албански јазик.
Во општинската зграда се носат изборните материјали, по што ќе се пребројуваат гласовите и ДИК ќе ги објави првичните резултати.
И во партиските штабови веќе се бројат гласови. Влатко Ѓорчев веќе прогласи побада на ВМРО ДПМНЕ, СДСМ ќе ги ги чека конечните резултати, па прес конференција најави за утрешниот ден.
Инаку, во досегашното мнозинството во Советот покрај Движењето Беса, ВМРО-ДПМНЕ, Алијанса за Албанците беа и двајца советници од иницијативата „Подобро за Тетово“.