Пријателски тонови, признание за достигнувањето, краток осврт на економската соработка- овие пораки кои при посетата, ги изрече германскиот канцелар Олаф Шолц беа само дополнителна содржина на главната тема. Ќе биде или не првата меѓувладина конфереција за почеток на пристапните преговори меѓу Брисел и Скопје. Шолц неколкупати повтори, ветено е на западниот Балкан особено на Северна Македонија и Европската Унија мора да го исполни ветувањето.
Домаќинот Димитар Ковачевски оцени дека државата исполнила се што е потребно, но дека не треба како во минатото да се погреваат очекувањата затоа што проширувањето и најблсиките кандидати се заложници на една земја членка.
Ковачевски не сакаше да толкува и коментира што се случува на бугарската политичка сцена со излегувањето на еден коалиционен партнер од владата на Софија затоа што тврди има активни преговори. А кога ќе има заеднички прифатлив договор, ќе се открие што е договорено.
Канцеларот Шолц не ја спомна Бугарија ниту на директното новинарско прашање за она што ќе каже во Софија, но посочи дека сите треба да мислат добро на заедницата на која припаѓаат.
Прес конференцијата заврши со уште едно ракување, а германскиот канцелар потоа се упати кон Софија- каде се издигна засега непробојниот ѕид меѓу македонските евро интеграции од една и Европската Унија од друга страна.
Миомир Серафиновиќ