Белата палата во Скопје вредна 7 милиони евра и 30 партиски седишта низ државата купени со над 2 милиони евра ќе бидат конфискувани од опозициската ВМРО-ДПМНЕ пресуди Кривичниот суд во Талир 2.
Партиското седиште што го изгради Бетон било незаконски стекнато.
И останатиот имот низ државата бил купуван незаконски стекнати пари.
Земјиштето на кое беше старото партиско седиште на ВМРО-ДПМНЕ вредело 800 илјади евра, а за возврат добиле луксузно опремен објект вреден 7 милиони евра додека хотелот на Бетон на истата локација се уште не е завршен.
Градежната компанија немала финансиска корист од договорот со ВМРО-ДПМНЕ.
Но во тоа време на градежната компанија над 70 проценти од приходите и биле од тендери од државни и локлани јавни претпријатија, објаснуваше судијката Даниела Алексовска Стојановска при читање на пресудата според која експремиерот Никола Груевски кој е во бегство доби нови 6 години затвор а поранешниот генерален секретар Кирил Божиновски условна казна.
За адвокатскиот тим на ВМРО-ДПМНЕ целта на судскиот правец била токму конфискацијата на имотот.
Ке ги користат сите правни можности да ја сменат ваквата пресуда
Обвинителството вели можно е да се конфискува седиштето без да се одземе земјиштето кое останува партиско
Обвинителот Лапе е задоволен од пресудата но можно е да се жали на условната за Божиновски.
Ова е прва пресуда за Божиновски а 5-та за Груевски.
Досега има затворски казни од година ипол до 9 години за Тенк, ТНТ, насилство во Центар и плацеви на водно
Елена Ивановска Мукоска