Една изборна единица поминува низ собраниските комисии, но консензус засега нема. Партиите на Албанците се против, а СДСМ бара целосен консензус, со сите партии. Ова наиде на обвинувања од опозицијата дека, иако во својата програма ветија една изборна единица, СДСМ преку коалицискиот пазар со ДУИ го саботираат предлог-законот.
ВМРО-ДПМНЕ дадоа поддршка за почеток на дебата за ова прашање. СДСМ, пак, кои во два предизборни циклуси ветуваа една изборна единица,велат дека и тогаш биле за тоа, да има консензус со сите партии, затоа што се работи за крупно прашање.
Помалите партии бараат една изборна единица наместо досегашните шест, затоа што сметаат дека така нема да им се губат гласовите што ги добиваат на државно ниво и ќе им се зголемат шансите да влезат во Парламентот самостојно, без да коалицираат со поголемите. Од Левица ги повикаа, доколку овој предлог на закон не се усвои, да го напуштат парламентарното мнозинство.Таква можност најави Павле Трајанов од Демократски сојуз, но не пред да заврши војната во Украина и да се стабилизира безбедносно-политичката состојба. Следи јавна дискусија во Собранието.
Далиборка Дамјанска Цветановска
