Силен удар синоќа околу 23.00 часот се слушнал во дел од Загреб. Полицијата и пожарникарите се на Јарунска цеста. На местото се направило огромен кратер.
Очевидци рекоа дека нешто паднало од небо во земја, а извештаите биле потврдени од полицијата околу 3 часот по полноќ. Полицијата потврдила и дека пронашла два падобрани.
Според Индекс.хр, повикувајќи се на добро упатени извори, според досега собраните информации од надлежните служби, на загрепски Јарун паднал дрон. Пронајдени се два падобрана
Полициската управа на Загреб соопшти дека добила повеќе пријави од граѓани дека почувствувале детонација во поширокото подрачје на Јарун. Местото го обезбедува полицијата и во тек е истрага.
„Полициската управа на Загреб вечерва (10.03.2022 година) по 23 часот добила повеќе пријави од граѓани дека почувствувале детонација на поширокото подрачје на Јарун, на која и претходел пад на објект од воздух“, се вели во полициското соопштение.
„На местото итно беа испратени полициски патроли и констатирале кратер на зелената површина на адреса Јарунска бб, додека на поширокото подрачје пронашле два падобрани за што исто така претходно добивме пријави од граѓани“, информираат од полицијата.
Полицијата засега нема пријави за повредени на поширокото подрачје на местото на инцидентот. Оштетени се неколку паркирани возила.